wk40 & 4days

呢兩三日行路既時候覺得左邊恥骨好痛, 每行一步都痛到入心入肺, 行得好辛苦, 不過都頂硬上, 仲要行多o的樓梯, 要老公o係後面撐住我條腰先行到...

今晚食完飯去toilet既時候發現有少少好似jelly texture既分泌秘, 心諗, 唔通就快生得? 都有同老公講, 佢都話要擺定個走佬袋o係門口, check清楚有冇漏, 一陣間真係半夜生得就大獲喇....

差唔多成點鐘先訓, 訓訓下, 大約兩點半鐘到, 覺得急小便要去toilet, 都冇乜事, 再訓啦, 點知訓左一陣, 大概係5點鐘左右, 發緊夢既我突然feel到好似有野流出黎咁, 以為自己賴左少少尿, 點知當我想起身既時候, 水突然係咁不斷流出黎, 原來我真係穿左水呀!! 即刻拍醒訓到成隻豬既老公, 一邊拍佢一邊話, 我穿左水呀... 佢一聽到就成個彈左起身, 我就拿拿聲換褲換衫, 已經沖唔切涼, 因為穿左水, 等老公一齊出門口既時候, 已經feel到開始痛, 大概每15分鐘就痛一次..

落到街, 咁岩係交更時份, 落到街好冷清, 真係一架的士都冇呀... 行多兩步見到有架的士拍左o係路邊, 個司機仲訓緊覺, 老公就敲佢玻璃問下去唔去醫院啦, 個司機又ok, 就跳左上車, 15分鐘左右已經到左醫院. 其實車費只係$30左右, 但我老公就俾左$100佢唔使找, 佢話拍我整濕人地架車個seat位.... =.=

入到醫院, 做登記同埋初步檢查, 開左1度, 姑娘都有打俾醫生, 因為我話想試順產, 所以之後已經帶左我入病房