end of year 2013

又一年了, 呢一年晴晴又長大左, 識講既說話多左 (雖然仲係好多bb話), 但亦都曳左好多, 好似男仔咁百厭囉

1月, 病左一次, 都係發燒, 傷風; 瘦左但好似長高左少少, 仍然唔太愛食飯

2月, 第一次去旅行, 農曆年跟娘家大伙兒返中山玩左整整一星期, so far ok, 發現晴晴超級容易暈車浪同暈船浪, 嘔到驚驚, o係鄉下既屋企上落樓梯都係要抱

3月, 突然間發燒, 燒左4日, 之後出玫瑰疹

4月, 繼續曳曳豬, 講多左野, 成日都爬梳化

5月, 兩歲大, 今次搞左一個mini生日會, 星期六o係爺爺屋企, 星期日o係太婆屋企, 只希望晴晴身體健康, 快高長大

6月, 平平穩穩

7月, 真係大獲, 咁大個女第一次入醫院, 突然發高燒, 私院唔肯收, 話冇床位, 唯有入東區, check過晒所有野唔係流感, 入左院後開始肚瀉, 初時冇血, 到第二日開始肚瀉帶血絲, 仍然未退燒, 但醫生認為應該係細菌感染既腸胃炎所以開左抗生素, 之後開始退燒, 入左院4日, 每朝早返醫院到黃昏可以 "放假" 返屋企, 以後都唔敢出街食同蛋有關既食物....

8月, 準備幫晴晴報K1, 對顏色形狀有相當認識 (大部份可能係因為晴晴自己搵you tube睇時學到, 中文英文都識識地), A-Z同1-10都數到, 勁鍾意唱歌

9月, 不斷apply K1, 間間都試; 呢個月真係慘, 一個月內燒左兩次, 每次都成個星期先好, 擔心到暈, 連中秋都冇得出去玩, 只能日日o係屋企

10月, 開始interview, 但唔係太多, 只係in左一間; 呢個月晴晴好似又作病, 每晚到黃昏開始就低燒, 到夜晚瞓著左就冇事

11月, 又病, 又係氣管炎, 發燒; 呢個月係interview既peak month, 晴晴表現ok既, 相繼收到offer, 但8成都係pm, 又要等睇下有冇得轉am

12月, interview完成得8899, 打左流感針; 聖誕返左中山玩, 晴晴今次主動要求玩上落樓梯, 又有得踩單車, 活動能力大左好多, 同年頭返去時進步左, 玩左5日

晴晴呢一年成長左, 多左去公園玩, 又識得要求買玩具, 自己既主見強左好多, 亦開始變得唔合作, 亦有少少反叛; 因為瘦左, 好多衫都唔使買, 改動一下上年既已經可以著返, 其實乜都好, 希望晴晴繼續身體健康, 快高長大!!

聖誕回鄉5天團

呢個X'Mas帶晴晴同晴晴婆婆、舅公舅婆、晴晴爸爸 (結左婚5年都冇返過, 拍拖時仲有返下)、仲有小喬表姐一齊返中山玩, 晴晴比年初返去過農曆年時活躍左好多, 每日都要晴晴爸陪佢上落樓梯, 行3層樓架, 每朝早聽到表姐把聲又會自己彈起身話瞓醒喇, 之後就會跑出房搵表姐玩

中山比香港凍 (我自己覺得), 尤其是剛到步時, 今次係平安夜晚出發, 24號我同晴晴舅婆仲要返工, 又唔可以請咁多假, 又唔想25號先返, 浪費左一日, 我地坐6點鐘班車去深圳灣 (晴晴上車冇耐已經瞓左著), 差唔多6點45分就到, 落車過關時已經覺得比市區凍, 好彩過香港同大陸關時十分順利 (如果唔係我o個張 "通行證" 要check得耐既話應該可以仲快o的), 關口好多人, 有時俾晴晴自己行, 有時就會抱住佢跑, 過左關表哥 (小喬表姐爸爸) 接我地, 但都行左一段路先上到佢架車, 一路上都覺得凍, 晴晴已經係咁打噴嚏, 真係嚇C我.... 上到車, 晴晴冇幾耐已經開始嘔 (暈車浪 @@"), 都唔算嘔得多, 因為有上次經驗, 我地早少少俾飯晴晴食, 又口口敢俾太多水晴晴飲, 所以都還可以, 冇幾耐晴晴又瞓著左 由深圳灣返中山屋企約兩個半鐘, 比預期快, 差唔多到時晴晴瞓醒, 冇再嘔, 一落到車即刻舒服晒, 仲可以自己行入屋, 我自己就覺得好凍囉, 好寒, 一到步已經俾飯晴晴食, 但天氣太凍, 由保溫壺倒出黎既飯好快就凍, 晴晴都食左大半, 最後瞓前補多枝奶俾晴晴就ok, 依家屋企有晒冷暖氣, 入到房就暖晒

呢5日都冇乜點出去玩, 只係有某幾餐要出街食, 要座3輪車, 晴晴又ok, 冇暈浪, 但佢好緊張囉, 每次都捉到我地好實, 雖然大風, 準備左件雙面褸都仲可以頂到, 其實第二日開始已經覺得冇咁凍, 可以習慣左, 但鄉下既溫差都好大, 一早一晚可以差10度, 所以兩個小朋友都著好多衫, 成隻糭咁, 今次我都帶唔夠衫俾晴晴, 第2朝晴晴婆婆出去買多一件夾綿抓毛背心俾晴晴, 所以全程都好夠暖

其實上次農曆年返去時我帶左好多衫俾晴晴, 今次都係帶返咁上下, 但就冇expect都真係幾凍, 以為有羊毛仔已經足夠 (上次除左羊毛仔, 我仲帶埋冷背心, heattech樽領, 仲有毛毛背心著外面, 冇準備睡衣但厚既家居服都帶左兩套), 點知比上年農曆年仲未凍, 而且5日來天氣都係咁上下, 真係失策, 如果唔係出發前一晚顧住搞證件, 應該仲可以準備得好o的

晴晴今次多左活動, 每日食完lunch都會跟表姐出去踩單車, 晴晴仲未識踩, 佢坐左上去, 我地就幫佢推, 玩得好開心, 同表姐輪住玩, 同表姐多左interaction, 又試過兩老表打交, 表姐唔俾佢入房, 晴晴先喊, 再瞓地, 大人抱佢起身時, 佢仲要起飛腳踢表姐, 到起左身又一野撞埋表姐度, 表姐成個人又跌低左, 成個過程真係好好笑, 晴晴真係大個左, 仲講多左野, 真係意想不到!

2013年的interview完成!!

12月7日星期六, 我同晴晴婆婆仲有晴晴爸都好忙, 為左希望可以排到衛理堂轉上午班, 晴晴婆婆漏夜去學校門口排隊, 之後由晴晴爸接力, 到天光等晴晴婆婆返黎我就出去, 雖然唔知到成唔成功, 但都係盡左力, 交左留位費, 依家唯有等通知

同一日有真光interview, 本來都想in埋上星期六既St Margaret但因為晴晴半夜醒左又經過一輪掙扎先瞓得返, 所以miss左, 最後既真光interview都唔知去定唔去好, 又好想試下, 好彩最後我地一早搞掂晒留位費既野, 連同晴晴朝早起身食奶非常合作, 9點8出門口打的參加10點2既interview

我地去到學校時只食9點11, 成個校園範圍都好多人, 入到學校都未望得清楚個環境, 已經聽到廣播10點20分interview要入去waiting room等, 我心諗, 下, 唔係呀? 咁快既, 所以晴晴都仲未ready已經俾我拖左去排隊等入waiting room...

入到去, 晴晴坐到個人開始發呆, 已經搵目標自娛一番 (指下人地個number plate, 又企下起身, 見佢個人等到好悶咁), 等左都有20分鐘, 就到我地入房interview, 情況有少少似明我, 但呢度就係一間大房, 有9張檯, 每張檯1個老師, 我地係最後入去, 入到去, 老師問晴晴叫咩野名, 唔答, 要我問佢張form上面張相係邊個, 佢先講, 未坐低已經申手玩權上面既積木.... 老師叫佢跟指示搭, 點知佢又唔跟, 要老師stop佢, 再叫晴晴放返原位.... 之後老師拎左本書, 揭其中一頁叫晴晴指出3樣東西, 當然又係唔識, 又要我指俾佢講, 岩岩好我指左3樣野老師已經好快咁收埋本書, 話in完, 送左條魚俾晴晴... 真係快到... 唔識形容, 我地係最後一pair人入去, 但算係最早出返去o個pair, 真係O晒嘴, in完, 晴晴話要去玩學校既滑梯, 但真係太多人, o的家長又唔理其他行過既小朋友, 真係一個唔小心就俾佢地既名貴+硬pang pang既手袋撞到, 所以玩左一陣就帶晴晴走, 同佢講我地返屋企樓下個公園再玩過...

o係屋企樓下個公園玩左半個鐘左右就返屋企食飯, 食完飯岩岩好時間去屋企樓下個醫生度打流感針 (一拮o個下真係爆喊, 好可憐啊!), 返上屋企後沖涼瞓覺, 瞓醒就返爺爺麻麻屋企食飯, 咁就一日了....

so far 2013年既interview已經完成, 除左懷恩有am offer, 啟思, 寶血, 衛理堂 都係pm, 明我又係pm但冇留位, 呢幾間都係有去interview既學校, 晴晴表現真係好好, 冇讀過PN班而有咁多學校收真係好感恩, 所以, 依家要考慮讀邊間好, 邊諗邊等, 睇下邊間最快有通知轉到am啦

衛理堂有offer喇!

等左好幾日, 終於收到信, 係下午班offer, 雖然唔係上午班, 但入到衛理堂已經好好, 可以俾信申請轉上午班都係一個機會, 經過上次寶血既經驗, 今次我真係會夠膽排通頂囉!! 但今次真係要帶定ipad, iphone, 水, 小食, 摺櫈, 同埋外套, 做足準備, 但我諗今次都應該會好多人排, 未必淨係得我一個既

到時唯有請晴晴婆婆幫手揍住晴晴

因為有衛理堂既offer, 連St Margaret既interview都冇去到 (本來都打算帶晴晴去玩下, 點知呢個女, 瞓到零晨3點幾醒左就冇再瞓返, 搞到成5點幾先瞓得返, 本來預9點起身但應該冇可能叫得醒佢....), 下星期既真光可能都唔會去, 有offer就算喇, 最緊要都係同區, 亦唔想晴晴開始抗拒, in左咁多間其實都玩夠

有時我都怕帶晴晴去街, 最近咁多病菌, 真係好驚.... 除非一早起身去公園, 但晴晴依家瞓到成11,12點先會起身, 真係難搞....