晴晴最近講多左野, "否定形"時依家仲會加埋個verb, 例如, "唔要", "唔食", "唔好", "肯定形"既時候例如 "媽媽, 餵....", "媽媽, 推呀" (推車車), 會講"知道", "好", 當然扭計既時候都會多左好多, 自從上個月病完之後就更加親近我, 有時我7點鐘要起身煮飯, 如果晴晴呢個時候咁岩又醒醒地又要搵阿媽拍pat pat既時候就大件事喇, 晴晴"媽"左幾次都唔見我就會爆喊....
晴晴既鼻敏感嚴重左, 依家每朝早起身都會打好多噴嚏連鼻涕, 但鼻涕清左就冇乜野, 之後再打噴嚏都冇乜, 有時都咳多左, 但又唔似係感冒咁, 所以量體溫就好重要, 我係緊張媽咪, 可以一日之內幫晴晴探好多次熱, 但真係只求安心
天氣熱, 試過有幾晚唔開冷氣 (我仲係擔心太早開冷氣會冷親晴晴, 始終未熱定), 晴晴係明顯瞓得唔好, 而且好易醒, 一醒就打噴嚏... 所以, 前兩日開始開冷氣瞓, 晴晴係好瞓左, 但最大問題係佢好唔鍾意蓋被, 一feel到有張被o係佢身上就會發脾四 (好似"我家3姊妹"個小千咁....) 真係好頭痛, 已經同佢著左被袋, 但只係薄薄的, 厚少少既又怕晴晴會熱, 但o的冷氣, 有時瞓到半夜/臨天光就會覺得特別凍.....
現時仍然係3奶(約6-8安一餐)兩飯(飯+餸有一個大人飯碗一餐), 最鍾意食腦蕃茄煮既汁, 蕃茄肉碎, 蕃茄魚肉, 有呢味餸既話就會食得好快, 有時會用魚湯黎煲飯同蒸多, 每日都會有一餐蒸水蛋, 一餐係食蒸肉餅/蕃茄, 等晴晴唔會食到悶晒, 照舊每日都有湯飲, 睇下佢鍾唔鍾意隻味...
身高同體重冇乜點度過. 7月會再返健康院check up, 晴晴有時會鍾意排玩具咁玩, 原來呢個係其中一項自閉症既病徵, 搞到我依家好擔心....
準備出發買生日禮物
兩歲同爸爸媽媽一齊食蛋糕 (但最愛係芒果)
波波池生日禮物
沒有留言:
張貼留言