點知, 11月先過左1 日, 第2日已經接大信封唔使DO俾人炒魷魚, 仲要計錯數... 不過算啦, 已經有第二個offer, 只係未知幾時返工, 突然間變左做一個全職媽媽....
都係開心多於不快既, 不快係唔忿氣俾人就咁炒掉, 都係啖氣既問題, 但我可以日日夜夜都對住隻豬隻, 真係super開心喇...
6個月大, 係時候要試下食米糊.... 仲轉埋2號奶粉, 因為唔使返工, 我可以諗下俾咩野隻豬仔食...
初試由朋友o係澳洲帶返黎既米糊, 用奶黎開, 晴晴食得好開心, 可能有甜甜既香蕉味, 愈食愈開心, 食到夠就mike實個咀仔... 點知, 惡夢黎鳥...
話說有一晚, 晴晴突然爆喊醒左, 仲要係喊得好淒涼, 從來未試過咁樣, 原來, 隻豬仔柯唔出便便, 連消夜餐奶都唔肯食....唯有俾肥仔水佢飲, 飲完又扭左一輪, 扭到攰就訓著左.... 真係好慘, 第二朝一早都諗左好耐要唔要帶晴晴去睇醫生, 後來, 今次用左一次權宜之計, 就係用甘油...
其實都有試過俾衍生開奶茶佢飲, 可以清熱消滯, 但晴晴由3個月大開始都飲得唔太好, 所以都好少俾佢飲, 後來, 晴晴麻麻買左余仁生開奶茶既材料(一包包既), 自己試煲, ok喎, 隻豬仔肯飲用呢隻開奶茶黎沖既奶, 仲要食得好滋味咁....
為左舒緩晴晴柯便便既不適, 就暫停開米糊, 食返幾日全奶餐, 之後就開始整自家磨米米糊, 初初淨係白粥, 之後要試瘦肉, 紅蘿蔔, 點知, 晴晴嫌冇味, 又嫌稀, 所以唔肯食 =.= 花左好多心機架... (如果唔係唔使返工, 我應該都唔會有咁多時間去諗去整野俾隻豬仔食....) 之後, 又轉返全奶, 過左幾日又試返米糊粉, 點知, 又係柯便便出事, 三更半夜喊柯唔出便便, 見到都心痛......
好彩又係時候返健康院打針, 就問姑娘, 姑娘俾左張餐單, 叫我地試跟住做, 見到, 咦, 原來可以食木瓜, 就俾晴晴試, 一連食左好幾日, 終於, 便便正常返, 就算食固體食物o個幾日, 都冇柯唔出便便既問題
另外, 已經可以轉食粥仔, 所以買左個專用黎煲BB粥既美的電飯煲, 試左幾日, 但晴晴都係唔太肯食, 多左細半碗bb碗已經唔想食.... 真係..... 所以都到後都係食奶為主.... 但仍然會keep住日日煲, 希望可以氹到佢肯食...
test過晴晴坐冇問題, 但就話佢腳仔唔係好夠力, 9個月大既時候要再返健康院睇睇... 最開心係, 晴晴既體重身高比例已經within normal range, 冇超肥喇, 而且有高到, 所以合返比較, 呢隻b都唔多肯食野, 我係怕佢唔夠營養囉....
晴晴︰乜野事???
頑皮樣....
開始對大人食野感到好奇, 見到人地食野會嘴郁郁, 但俾佢佢又唔食, 淨係鍾意食玩具.... 為食豬....
6個月大可以開始飲果汁, 即刻買加寶同亨氏bb果汁俾佢試, 點知, 隻隻味都唔鍾意飲... 蘋果, 桃, 完全唔制... 真係吹漲
揍左半個月左右, 晴晴已經開始比較跟我, 夜晚訓教多數要搵返我陪, 有時仲不費吹灰之力就o係大床ZZZzzzz
依家每晚都會推張細床仔入我地房一齊訓, 始終唔想分開房, 呢隻豬有時勁反訓, 張被好易俾佢一踢就飛左去老遠, 一陣冷親就閉.... 到日抖就會推返去書房. 其實張床仔開始窄, 係時間要諗諗點樣放返張大床仔出黎....
就係咁, 我終於可以日日夜夜陪住隻豬仔囉....
p.s. 登登登登.... 萬眾期望既牙仔終於o係6個月3星期面世喇!!!! 其實早在5個幾月既時候已經見到有白色既牙包, 但仲未出到黎, 晴晴有終於都有牙仔喇!!!
沒有留言:
張貼留言