第三個月

返番工, 每朝一早起身餵晴晴飲奶, 之後換衫換片, 執好行裝 (足夠既奶粉, 奶樽, 替換既衫, 片片, etc)就揹佢返我婆婆度, (因為我實在係唔想我媽自己一個o係我間屋度揍b, 太唔放心, 有咩野事我自己都唔知....), 之後就同老公一齊搭巴士返工...

夏天換衫又易又快, 可惜有時一抱起晴晴想落揹帶既時候就嘔奶, 有時仲要嘔到成身都係, 要即刻換衫... 有時出到街仲會訓得好淋, 一有車聲就會醒一醒望一望, 之後又繼續訓... 晴晴雖然已經3個月大, 但條頸仔仲未撐得起, 仲係成日"彈下彈下" 咁, 打直抱住坐o係大人既大脾度一陣就會"dup頭", 揹出揹入只能用打橫訓o係度個mode, 不過已經開始唔用得呢個mode, 因為開始超重.... 見人地同咁大既bb已經好硬淨, 晴晴仲要多o的時間先做到...

開始表情多多, 唔再肯打橫抱, 要打直抱, 識得笑, 勁fing手fing腳, 開始俾high chair佢坐o係度, 但對玩具零興趣, 俾佢都唔玩.... 不斷流口水, 多到我都以為出牙, 但又唔係喎.... 真係好過穩!

仍然厭奶, 唔好講話加, 繼續唔肯食, 試過轉好幾隻奶樽俾佢試但冇用, 都係用返 chuchu....

開始頂唔順同我媽一齊住, 太多conflict, 最後都係決定夜晚自己揍返, 好彩晴晴夜晚都唔太扭計, 每晚8點幾返到屋企玩一陣就會乖乖訓教, 半夜都好少醒, 所以自己照顧返都ok

每晚我放工返到婆婆屋企, 晴晴都唔會點理我, 淨係識得黏住我媽, 連夜晚扭眼訓都要我媽抱先肯收聲, 真係冇穩... 而我媽就會不其然露出得戚既表情... =.="""